სოსო ნადირაძე - Page 3 - Форум

[ ახალი შეტყობინებები · მონაწილეები · ფორუმის წესები · ძებნა · RSS ]
Форум » ლიტერატურა » ლექსები facebook -დან » სოსო ნადირაძე
სოსო ნადირაძე
nukriaДата: შაბ, 07.04.2012, 22:00 | Сообщение # 21
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
მოსე

ეგვიპტემ კალთა გადაგაფარა,
ამოგაბრძანა წყლიდან დუმილით.
და ფარაონის პირქუშ დარაბებს,
შემოაქსოვა ღმერთის სურვილი...

რწმენას გალავნად შემოიშენებ,
უდაბნოს სიცხეს მხრებით აზიდავ,
და გაუყვები გზას ფეხშიშველი
ცეცხლმოდებული მაყვლოვანიდან.

წმინდა ბაგიდან ისმის ოსანა,
ლოცვად უფალმა რომ შეიწირა
და მარჯვენაში, ვით გამოცანა
კვერთხი და გველი ერთად გიჭირავს.

კლდედ შეიკვრება ტალღის სიმკაცრე,
იღაღადებენ ფეხქვეშ ხნულები
და ფარაონის რისხვის წინაშე
აღსდგები დიდი სასწაულებით.

ღვთიურ მანანას მოელი ოდენ,
რწმენით მიიკვლევ ფერდობს ნისლიანს
და ბილიკებზე ტანჯვად რომ მოგდევს
შენი გვარტომის ცხელი სისხლია.

ყველა ნიშანი მკაცრად სრულდება,
ყოველ მაღლობზე უფლის ხელია
და წინ მიგიძღვის მტრედის გუნდებად,
რაც ცაში ლოცვად აღგივლენია.

ღმერთს ემსგავსები ასე თანდათან
და სახე, წვერით შემობურული,
სათნო გაქვს, როგორც პურის მანანა
და ჟღალი, როგორც მწყერის ბუმბული.

ზეცა ენთება, მიწა ზანზარებს,
სიტყვა ბუბუნებს, როგორც გრიგალი
და სინას მთიდან ღმერთის ანარეკლს
ძირს ჩამოიტან თეთრი ფიქალით...

 
nukriaДата: შაბ, 07.04.2012, 22:03 | Сообщение # 22
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
ნოე და ცისარტყელა

როცა უეცრად წამოიწვიმებს,
ჭექა-ქუხილის ხმა,რომ მომესმის,
პატარა წვეთშიც ვხედავ, ტივტივებს,
ხის კიდობანი წმინდა ნოესი...

როცა მანძილი დაიტალღება,
ცხვრის ფარით,რემით,ჯოგით,ნახირით,
სივრცეს მწყემსივით კვალში დაჰყვება
ნოეს კიდობნის გამოძახილი...

საბძელს,საქათმეს,ბაგას,სახბორეს,
ნალიას,მარანს,ვენახს ლერწმიანს,
კედელზე,ჭერზე,კარზე, ხაროზე,
ნოეს კიდობნის სხივი შერწყმია..

რაც ბორცვებია და რაც მთებია,
რაც მწვერვალია ცისკენ წასული;
ცივ წყაროებად გადაქცევიათ
ტანი კიდობნით ჩამოკაწრული...
ღვინოს წურავენ ჩვენს დროშიც ბევრნი,
ეფერებიან ვაზებს ასწლიანს,
და ღვინით სავსე ყოველი ქვევრი
ნოეს ქვევრების ზუსტი ასლია...

ვერ შეაჩერებს წვიმას ვერავინ,
ნაპრალს დაეძებს ლერწმის რტოებში,
რომ დაიღვაროს,როგორც მელანი
ფურცლის იდუმალ სიმარტოვეში

ფოთოლზე ერთი წვეთი კიაფობს,
ცვარი ციმციმებს ვარდის ფურცლიდან,
და ხელში " ღმერთთან მებრძოლ იაკობს",
წვიმის შვიდფერი დროშა უჭირავს.

ქარი ათასი ტოტით ჩურჩულებს,
მზე მხატვარივით არის გულჩვილი
და დღე დაღმავალ ფერს და შუქ-ჩრდილებს,
ტანზე აშრება სველი ფუნჯივით.
 
nukriaДата: შაბ, 07.04.2012, 22:04 | Сообщение # 23
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
წმინდა აბრაამი

გზა ღმერთის რწმენით არის ნალესი,
შვილიც აბრაამს მისდევს ცისაკენ,
და დღესაც ყველა ბაშვის თვალებში
ღმერთის მოშიში ცელქობს ისაკი...

თბილისს ჩაესმის ლოცვა რაბინთა
და იფანტება დარდი ნისლივით
და დღესაც ყველა დედის ბაგიდან
გაოცებული სარა იცინის...
 
nukriaДата: შაბ, 07.04.2012, 22:05 | Сообщение # 24
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
სიმონ კრიხელს

კეთილი გული ძმობისკენ გიწევს,
ყველაფერს სწირავ ღმერთს და მშვიდობას,
და საქართველოს შეჰხარი ისე,
როგორც კურთხეულ ნოეს კიდობანს.

მჯერა უფალი ჩვენც შეგვიბრალებს,
ცაზე ანთია მოსეს ღიმილი
და ვხვდები ახლა ნამდვილ ებრაელს
გული რად უცემს პილიგრიმივით...
 
nukriaДата: შაბ, 07.04.2012, 22:05 | Сообщение # 25
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
ბიბლიური იოსები

ხანდახან ტყესაც შეაჟრიალებს,
ძნა წამოიწევს ხოლმე ძნებიდან
და ნაპურალში ისევ შრიალებს
სიზმარი წმინდა იოსებისა...

წუთისოფელი ვის არ გამოცდის,
ძმებს ხომ ღვიძლი ძმა განუძარცვიათ,
და იოსების ჭრელი სამოსი
უდაბნოს ცოდვილ ტანზე აცვია...

დღე ფარაონის ერთ სიზმარს მოჰგავს,
ვითვლი წლებს ორჯერ შვიდად განაყოფს
და ვხედავ შვიდი ხორცსავსე ძროხა
ჩვენს საძოვრებზეც მშვიდად ბალახობს ...

ძმა მოგადგება ერთხელაც ურმით,
საწუთრო თურმე ამისთანაა
და იოსების ნაკურთხი პური
ტაბლაზე უდევს დღესაც ქანაანს...

 
nukriaДата: შაბ, 07.04.2012, 22:06 | Сообщение # 26
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
ერუშალაიმ

ერუშალაიმ-სულო ადამის!
ერუშალაიმ ტახტო-დავითის!
უდაბნო გწვავდა?!-მაინც გამრავლდი,
მტერი გმუსრავდა?!-მაინც განდიდდი,
ერუშალაიმ-სულო ადამის!
ერუშალაიმ ტახტო დავითის!

ერუშალაიმ, მზე რომ გეხილა!
რომ არ ჩაექროთ შენში ნათელი!
წარღვნის დროს მოხუც ნოეს ეჭირა
დაღლილ ხელებში შენი თაღები.
ერუშალაიმ მზე რომ გეხილა!
რომ არ ჩაექროთ შენში ნათელი!

ერუშალაიმ-მტრედო, სამოთხევ!
ერუშალაიმ-ბაღო ოცნების!
შენ მონობიდან მოსეს გამოჰყევ,
გადმოიარე ცეცხლის ბორცვები,
ერუშალაიმ-მტრედო, სამოთხევ!
ერუშალაიმ-ბაღო ოცნების!

ერუშალაიმ-უფლის გვირგვინო!
ერუშალაიმ-გზაო სიმართლის!
თავზე რომ მტრედმა გადამიფრინოს,
შენი სულია, თუ ათინათი?!
.............................................
შენი სულია თუ ათინათი???
 
nukriaДата: შაბ, 07.04.2012, 22:07 | Сообщение # 27
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
დავით მეფსალმუნე

მეფეო, ცრემლებად გექცევა ქორწილი,
მსჯავრსა გდებს ნათანი,მტკიცე და კეთილი
და ფსალმუნებიდან გიყურებს მორჩილად
ერთგული თვალები ურია ხეთელის...

მეფეო ოცნება ზეცაში მიტაცებს,
წარსულზე ვფიქრობ და სულ ასე მგონია,
დავითის შურდული განგმირავს იმ წამსვე,
თუ სადმე წავაწყდი მრისხანე გოლიათს...
 
nukriaДата: შაბ, 07.04.2012, 22:07 | Сообщение # 28
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
იავნანით გამომზარდა ძიძამ

ეძღვნება გერშონ ბენორენ-წიწუაშვილს
------------------------
ტკივილებით გამაჩინა დედამ,
იავნანით გამომზარდა ძიძამ,
ისრაელის მაღალ ზეცას ვხედავ,
საქართველოს მოწმენდილი ციდან...

სიხარულით მივუყვები შუკებს,
საფიცარი სამშობლო მაქვს ორი,
ეს გული კი ხიდად გავდე უკვე
ისრაელს და საქართველოს შორი
 
nukriaДата: სამ, 10.04.2012, 23:18 | Сообщение # 29
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
***
უფალო! - გიხმობენ
ნეტარებით,
დღეებმა ფსალმუნიც
გადაშალეს,
მე კიდევ ცოდვის
ლოდს ვეფარები,
ყველაზე სასტიკი
დამნაშავე...
 
nukriaДата: ოთხ, 11.04.2012, 23:50 | Сообщение # 30
Генералиссимус
Группа: Администраторы
Сообщений: 17580
Награды: 1  +
Репутация: 0  ±
Статус: Offline
***
ქართული ცრემლი
დასდით ვენახებს,
რა შეაჩერებს
ამ დარდს ნეტავი?!
საქართველოში
ციხე ვერ ვნახე
ჯავრისგან ხელებ
დაუკვნეტავი...
 
Форум » ლიტერატურა » ლექსები facebook -დან » სოსო ნადირაძე
ძებნა:

მოგესალმები Гость